هەواڵی کوردستان ئێستا

شەفەق نیوز/ ئەنجومەن داد باڵای عراق، ئمڕوو چوارشەممە، راگەیان دادگای تاوانەیل رەسافە  سزای شەش ساڵ زیندانیکردن ئەرا پەنج زیندانی دەرکرد وە تاوان رفانن و ئەزیەت داین کەسەیلیگ خاوەن رەگەزنامە پاکستانی لە بەغداد.

ناوەن راگەیانن ئەنجومەن ئمڕوو لە بەیاننامەیگ راگەیان، "پەنج زیندانیەگە، چواریان هەڵگر رەگەزنامەی پاکستانین پەنجەمیان خاوەن رەگەزنامەی عراقیە، دان دانانە وە ئەوەگ وینەی رفیاگەیل گردنە مەوقەی ئەزیەتدانیان و ئەرا کەسوکاریان لە پاکستان کلیکردنە وە مەبەست باج وەرگردن ئەرا ئازادکردنیان".

وتیش "سزاگەی ئەرایان وەپای بڕگە مادەی  6/ چوارەم و هەفتەم لە یاسای بازرگانیکردن وە مرۆڤ شمارە 28 ساڵ 2012 وە بەڵگەیل مادەی 47 و48 و49 یاسای سزادان دەرچگە".