هەواڵی کوردستان ئێستا

کوڵە چیرووک 

کابرایگ بازرگان تەنیا خەریگ داشت، بار خەرەگەی وە نمەک کردیاد، و گەردیادە ئاوایەیل، تا نمەک بفرووشێد.

جوو ئاویگ کەفێدە دەمڕیەگەی، هەمیشە وەناو ئەو جووە رەد بوود.

رووژیگ خەر لەناو ئاو جووەگە سەرسم برد، و وەگەرد بار نمەک پلیا ناو ئاو.

نمەک لەناو ئاو جووەگە تاویاوە، و هەناێ خەر هیز گرد، دی بارەگەی سووکەو بویە، خەریش وەو کارە دڵی شادەو بوی.

خەر وەی کارە چاشیا، گشت رووژییگ خوەی پلانیادە ناو جووە ئاوەگە تا بار خوەی سووکەو بکەێد.

خاوەن خەر دی زانست کە خەر کەفتیەسە فەن ئی کارە، رووژیگ بار خەر وە پەمگ کرد.

خەریش وە خوەشڵەخوەشی وەی پەمگ سووکە، خوەی خستە ناو ئاوەگە تا باری سووکترەو بوود.

وەلێ ئیجا هەناێ خەر هیز گرد دی بارەگەی یەک هەمکە سەنگینترەو بوی، تا واز لەی کارە هاورد.