پەخشە هەڕەشە لە نیمەی دانشتگەیل جەهان دەێد
وەقسەی شارەزایەیل، بڵاوبوین ئەو بیماریەیلە لەری پەخشە بڵاوبوود لە دەیەی ئایندە وەرەو زیایبوون چوود وە تایوەت لە باکوور ئەوروپا لەوەر بەرزەوبوین پلەی گەرما.
وەپای داتاگان ئاسایش تەندروسی، تویشهاتن وە بیماری مەلاریا دوو هەزار حالەت رەدکردیە و ریکۆرد 20 ساڵ وەرین شکانیە، لە ماوەی ساڵ پارەکە دوو هەزار و چوارسەد حالەت تویشهاتن وە مەلاریا لە ئنگلەەرا و وێڵز ئێرلەندا باکوور توومارکریا لەناو ئەو کەسەیلە گەشت ئەرا دەێشت وڵات کردنە، لە وەختیگ لەساڵ 2022 تەنیا هەزار و 369 حاڵەت توومارکریا، و لەباوەت تەو زینک دە ئەوەنە زیای کردیە وە چەو دوو دەیەی گوزەشتە.
شارەزایەیل ئوشن، ئاڵشتبوین کەشوهەواپیس بوین ژینگە بەرزەوبوین پلەی گەرما هووکارە ئەرا درویژەوبوین وەرز تاوسان وە یەیش پەخشە روی لە زیایبوین کەێد و ئەو بیماریەیلەش لە ریەو بڵاوبوود روی لە زیایبوین کەن.
