هەواڵی کوردستان ئێستا

شەفەق نیوز/ بزووتنەوەیگ لە باشوور عراق دەرچگە و خوەی وە گروپ "قوربانی" ناسنێد، "قوربانیکردن ئایەم" جویر کاریگ ئەرا نزیکەوبوین لە ئیمام عەلی بن ئەبی تالیب، کە کەێدەی جینشین "خودا"، لە وەختیگ ئیمان ئیسلامی شیعە و سوننە لەو چشتەیلە رازی نیین و ئویشن لە بنەمای یەکتاپەرسی خودا دامەزریانە و هویچ هاوبەشیگ ترەک ئەرا خودا نییە.

 وە درویژایی میژوو ئایەم، هەمیشە بەشەوبوین یا پیشهاتەیلیگ هەس کە وەیجویرە دەرکەغن لە بڕیگ باوەڕی "ئاسمانی-ئیبراهیمی" یا ئیمانیگ زەمینی سەرچەوە گرن و فرە لایەن سیاسییش هەس کە بوینەسە دوو باڵ یا زیاتر، بەڵام ئەوەگ ئایینەیل فرەترین تویشی هاتن ئاڵشتکاری لە میژوویان بوی، و فرەی بزووتنەوە نووەیل زوی کەفنە وەرچەو، بەڵام بەشیگیان وەزوی کاڵەو بوون، و بەشیگیان مقەیتی مەنین خوەیان کەن و فراوانەو بوون یا سنووردار مینن، بەڵام بەشیگ هەس کە وەکوتپڕ دویای دەرکەفتنیان بوونە دیاردەیگ کە چەوپووشی لەلی نەکریەێد، وە تایبەت ئەگەر عەقیدەگەیان لە بنەمای کۆتاییهاوردن ەە ژیان لایەنگرەیلی بوود.

خوەیکوشتن پیشکەشکردنیگە

 گروپ "القربان" کە لە ساڵ 2023 لە خەوەرەیل لە باشوور عراق دەرکەفت، یەکیگە لە گروپە نامۆیل، کە لایەنگرەیلی خوازن وە "خوەیکوشتن" خوەیان بکەنە "قوربانی" ئەرا نزیکەوبوین لە "پەروەردگاریان". " ئەراوە تیروپشک لەناوەین خوەیان کیشن، و هەرکەسیگ ناوی لە دەرچگ خوەی کوشێد، وەگەرد ئەوەیش دیارە یەکیگیان ویرە نەیاشت خوەی بکوشێد، کە هیشت باوەڕدارەیل دەسوپای بوەسن و ناچاری بکەن خوەی بکوشێد، وەگورەی قسەی سەرچەوەیگ ئەمنی ئەرا ئاژانس شەفەق نیوز.

گروپ “القربان” لەناکاو لە پارێزگای زیقار لە باشوور عراق لە ساڵید 2023 دەرکەفتن، وە تایبەتی لە مانگ عاشورا، کە شیعە یاد جەنگ ئەلتفوف کەێد کە 1400 ساڵ وەرجە ئیسە لە کەربەلا رویدا، کە ئیمام حسێن بن عەلی بن ئەبی تالیب و برا و کوڕ و کەسوکارەیلی لەلایەن سوپای یەزید بن موعاویە کوشیان، و لەو وەختە سەرچاوەیگ ئەمنی ئاژانس شەفەق نیوز ئاگادار کرد کە یەکیگ لەو کەسەیلە وە هەڵواسین خوەی لە ناو یەکیگ لە دەسەیل ئیمام حسێن لە پارێزگای زیقار خوەی کوشتیە.

وەگورەی ئەو سەرچەوەی ئەمنییە، خوەیکوشەگە ئەندامید گروپ “القربان” بویە، کە لەو وەختە ناو ئەو گروپە دەرکەفتگە، ئیجا دیار دا کە خوەیکوشتن گلەو خوەێد ئەرا ئەندامەیل ئی گروپە، کە هیشت وەزارەت ناوخۆ، دەزگای ئاسایش نیشتمانی، و دەزگا ئەمنییەیل و ئایینی و کۆمەڵایەتییەیل بکەفنە بکەفنە شوین ئەو باوەتە تا راسیەگەی بزانن.

دەیان خوەکوشتن و وەشوینکەفتن ئەمنی

وەڕێوەبەر ریخریاگ "پەیوەندی و برایەتی" کۆمەڵایەتی، عەلی ئەلناشی، ئەرا ئاژانس شەفەق نیوز وت: ریخریایەگە توومار کردگە کە لە ماوەی چارەک یەکەم ساڵ 2023، زیاتر لە 24 خوەیکوشتن  کە وە گیانلەدەسدان خاوەنیان لە شار ناسریە و دەورگردی، لە وەختیگ دەیان خوەیکوشتن ناتەواو توومار کریاس.

دووپات کرد کە "ئی شمارەی خوەکوشتنە وە چەو ساڵەیل گوزەشتە شمارەیگ فرەس"، وتیش: فرا لە رویداوە تاوانکارییەیل جویر خوەکوشتن توومار کریانە، وەتایبەتی لەلایەن ژنەیل.

 لە مانگ ئایار ساڵ 2023، دەزگای هەواڵگری و لێکۆڵینەوە لە وەزارەت ناوخۆی عراق دەسگیرکردن چوار کەس لە قەزای سوق الشیوخ لە پارێزگای زیقار ڕاگەیان، کە توومەتبارن وە لایەنگری گروپ “القربان”، و ریکارەیل  یاسایی وەرانەوریان جیوەجی کریا.

جی باسە کە گروپ “القربان” ئەرا یەکەمجار لە ساڵەیل نەوەتەیل دەرکەفتن، وە تایبەتی لە سەردەم ژیان ریبەر ئایینی کووچکردگ محمد محمد سادق السەدر ئەو لەو وەختە ئینکاری کرد، بەڵام لە ماوەی گوزەشتە دووارە دەرکەفتەو و ساڵەیل ئیسە.

لە مانگ نیسان، چالاکییەیەل بزووتنەوەگە دەرکەفتەو، چوینکە خوەیکوشتن لایەنگرەیلی لە قەزای سوق ئەلشیوخ (قەڵای سەرەکی گروپەگە)، لە باشوور شار ناسریە، ناوەند پارێزگاگە توومار کریا.

رینما و ریوڕەسمەیلیگ تایبەت

سەرچەوەیگ ئاگادار ریوڕەسمەیل بزووتنەوەگە ئاشکرا کرد وەرجە ئەوەگ هەر کاریگ هوەیکوشی لەلایەن ئەندامەیلی ئەنجام بدریەێد و دووپات لەوە کردە کە کتاویگ دیرن کە رینما ئاینییەیل لەلیەو بەن.

ئەو سەرچەوە ئەرا ئاژانس شەفەق نیوز وت: "کتاوەگە وەناونیشان (من، من، من) و دروشمەگەیان (هەرکەسیگ بمرێد من دوینێد)"، وتیش: "کتاوەگە تەنیا لەڕی کەناڵە تایبەتەیل لە ئەپڵیکەیشن تێلێگرام بڵاو کریەێد"، کە پەیوەندییەیل لایەنگرەیل گروپەگە سنووردارە زو بازنەی فرە بویچگ کە وە شیوەیگ ئەلیکترۆنی پەیوەندی وەرد یەکتر کەن.”

لە درویژەی قسەیلی وتیش: "وەرجە هەر کاریگ خوەیکوش، مووم و گوڵ نریەێد، بیجگە لە خوەنستن بڕیگ لە کارەیل خوەیان، ئمجا ئەو کەسە کە خوەیکوشە، جویر قوربانییگ ئەرا ئیمام عەلی، کارەگە تەواو کەێد، و لەژیر چەودیاریکردن بڕیگ لە ئەندامەیلیان شیوازەیل خوەیکوشتن یا خوەیکوشەگە خوەی لە شوین بەرزیگ وەشنێد یا خوەی هەڵوەسێد".

 هیزە ئەمنییەیل باس لەوە دکەن کە بە ئەرا دەسگیرکردن سەرکردە دیارەیل ئەو گروپە لادەرە لە بڕیگ ناوچەی ناحیەی سووق الشیوخ لە باشوور پارێزگای زیقار هەڵمەت مینەکردن ئەنجامدانە.

ئەو سەرچەوە ئەرا ئاژانس شەفەق نیوز وت: "هیزە ئەمنییەیل سەرکەفتگ بوین لە دەسگیرکردن چوار لە سەرکردە دیارەیل گروپەگە کە سەرپەرشتی جیوەجیکردن دویاترین کارەیل خوەیکوشتن یەکیگ لە ئەندامەیل گروپەگەیان کردگە، و کەفتنسە شوین ئەوەکان کە بەشدارن لە کارەگە".

وتیش: "دادوەر لێکۆڵینەوە بڕیاردا وە دەسگیرکردن توومەتبار تا لێکۆڵینەوە وەگورەی بڕگەیل ماددەی 405 لە یاسای سزادان عراقی شمارە 111ی ساڵ 1969، جیوەجی بکەێد".

شەفەق نیوز تەقەلا دا پەیوەندی وەرد دەسەڵاتدارەیل فەرمی لە فەرمانگەی زیقار بکەێد ئەرا ئاشکراکردن پیشهاتەیل لەلای  لایەنگرەیل گروپەگە، وەلێ بیخود.

لەلای خوەییش توێژەر کاروبار ئیسلامی و تائیفی، رەشید ئەلسەرای، ئەرا ئاژانس شەفەق نیوز ئاشکرا کرد کە “لە میژوو شیعە هویچ باوەڕیگ لەیجورەر نییە و نە هویروباوەڕ شیعەی ونەیش گشت ئەو مەزهەبەیلە کە لە ژیر بەتیەی شیعەگەرایی دەرچینە کە وەشیوەیگ بەشەکی یا وەتەواوی لەلی بکەێد، هەر باوەڕیگ لەیجورەر، کە وتەی قوربانیگردنە ئەرا ئیمام عەلی تەنانەت تونڕەوترین مەزهەبەگانیش، واتە عەلیلاهی (عەلی و ئیلاهی). و نویسەیریەیان، ئی جویرە  لە باوەڕیان نییە”.

 دووپاتیش کرد کە "هویریگ نائاسایی نووە کە لە ئەنجام تێکەڵەیگ لە ئایین و باوەڕەیل سەرچەوە گرتگە لە تەقەلایگ تا وەداخەو گەنجەیل لە ری جویرەیلیگ تایبەت قەناعەت بکەن، هەر ئەراوە بایەسە وە زوور  نوای بگریەێد، وەتایبەتی وەگەرد وەردەوامبوین دووارەبوینی لە کارەیلیگ جویر خوەیکوشتن گەنجیک لە لوبنان نزیکەی وەرجە ئیسە”.

 جی باسە کە بڕیگ لە ئایین و باوەڕ هەس باوەڕ وە بە "خوەیەختکردن" دیرن ئەرا خودا یا ئەو باوەڕە کە دیرن و لەی رویە توێژەر لە مبژووی ئایینەیل، عەباس شەمسەدین، ئویشێد: “ گروپ قوربان و تیمەیلیگ خوەیکوش بیگانە باوەڕ وە چارەسەری ئەو چشتە دیرن کە وەپی ئویشن قیامەت کوتپڕی، جویر گروپ جۆنز یا گروپ داڤید کۆرێش، هەکاتی گروپ ئقوربان خوەیکوشن ەە قوربانیدانیگ ئەرا ئیمام عەلی زانن، کە لە خودایی خوەی باوەڕ کەێد.”

 شەمسەدین دووپات کەێد کە “گشت ئەو گروپە تونڕەوەیلە کە کەسەیلیگ جویر عەلی بن ئەبی تالیب یا یەکیگ لە کوڕەیلی وە خودا گردنە، یا جویر رەوەندیەیل کە ئەبو جەعفەر ئەلمەنسور کردنەسە خودا، یا هەر مەزهەبێیگ مەسیحی، کردەوەی خوەیکوشتن نەگردەسە وەر، وەپیچەوانەی ئەوەگ  گروپ قوربانی بڵاوی کەن.”

لە مانگ حوزەیران ساڵی 2023، بەیرووت پایتەخت لوبنان، رویداو خوەیکوشتن گەنجیگ بە ناو “عەلی فەرحات” لە ناوچەی حارەت حریک لە گەڕەک باشوور بەیروت توومار کرد، دویای ئەوەگ لە قات سێیەمەو وە رویتی خوەی خستە خوار، دویای ئەوەگ لە لە کەنەدا، خوەی و ژنەگەی و مناڵیگیان هاتن، دویای چەن ساعەتیگ ژنەگەی فاتیمە فەخرەدینیش وە خود شیوە هەمیش وە رویتی خوەی کوشت، کە هیشت کەسەیلیگ بویشن گریەیگ وەرد گرووپ قوربان دیرن.