هەواڵی کوردستان ئێستا

شەفەق نیوز/ دوو سەرچەوەی ناوخوەیی، ئمڕوو شەممە، خەوەردان لە کوشیان و زەخمداری هەشت کەس لەلای کەمەو، لە ئەنجام رویداوەیل هاتوچو دڵتەزنر لە بەغدا پایتەخت و پارێزگای دیالە.

یەکیگ لە سەرچەوەیل ئەرا ئاژانس شەفەق نیوز وت: ماشینیگ تایبەت کەفتە وەر رویداویگ لە ناوچەی زەعفەرانیە، کە ماشینەگە پلیا، و دوو کەس لەناوی کوشیان و سێ کەسیش زەخمدار بوین.

سەرچەوەیگ ترەک ئەرا ئاژانس شەفەق نیوز وت: رویداو هاتوچو سەختیگ لەبان ری دەریاچەی حەمرین لە پارێزگای دیالە کەفتە ناوەین ماشینیگ پیکاب حکومەتی رەنگ زەرد، و یەکیگ ترەک مەدەنی رەنگ سوور، کە چەن کەسیگ لەناوی زەخمدار بوین.

سەرچەوەگە وتیش: رویداویگ ترەک کەفتە ناوەین ماشینیگ کیا وەگەرد ماشینیگ فریاکەفتن لەبان ری ناوەین بەغداد و کەرکوک، کە کەسیگ لەناوی مرد و دوو کەسیش خەڵک عزێم زەخمدار بوین.