هەواڵی کوردستان ئێستا

شەفەق نیوز/ سەرچەوەیگ پزیشکی لە پارێزگای کەرکوک، ئمڕوو یەکشەممە، خەوەردا ژنیگ خوەیکوشتیە وە سزان لەرێ مادەی نەفت چەرمگ لەناوڕاس پارێزگاگە.

سەرچەوەگە وە ئاژانس شەفەق نیوز خەوەردا، "ژنیگ لەداڵگبوی ساڵ 2002 کە 22 ساڵانە وە ناو ( م، ن،م)، خوەیکوشتیە وە رشانن نەفت چەرمگ وەبان خوەی ەناو ماڵیان لە کویچەی یەک حوزەیران ناوڕاس کەرکوک".

 وتیش "تویش سزیان سەختیگ بویە وە رێژەی گەپیگ، خریاسە ژی چەودێری لە بەش سزیان ناو خەستەخانەی (ئازادی) فێرکاری" وتیش؛ "هووکار خوەیکوشتنەگەی لەوەر گیچەڵیگ خێزانی بویە وەگەرد شویەگەی  و پۆلیس لێکۆڵینەوە لە رویداوەگە وازکردیە".

لە پارێزگای زیقار، ئمڕوو یەکشەممە، گەنجیگ  لە باکوور شار ناسڕیە ناوەن پارێزگاگە خوەیکوشت.

سەرچەوەگە وە ئاژانس شەفەق نیوز راگەیان، "گەنجیگ خوار بیس ساڵان خوەیکوشتیە لەری هەڵواسین خوەی لە قەزای شەترە باکوور پارێزگای زیقار، وەبی ئەوەی هووکار خوەیکوشتنەگەی بزانرێد".

سەرچەوەگە وتیش؛" هێزەیل ئەمنی تەرمەگەی ئەرا پزیشک دادوەری کلکردنە ئەرا تەووکردن رێکارەیل یاسایی".