هەواڵی کوردستان ئێستا

شەفەق نیوز/ کۆمپانیای بەشەوکردن بەرهەمە نەفتییەیل، ئمڕوو سێشەممەر راگەیان بڕیار بەرزکردن نرخ بەنزین لە سوو چوارشەممەو چوودە ئاست جیوەجیکردن.

 وەگورەی بەڵگەنامەیگ کە لەلایەن کۆمپانیاگە دەرچگە، وە واژوو سەرۆک دەسەی وەڕێوەبەر کۆمپانیاگە، حسێن تالیب عەبود، بڕیارەگەی ئەنجومەن وەزیرەیل ئەرا بەرزکردن نرخ بەنزین موحەسەن ئەرا (850) دینار ئەرا هەر لیتریگ و بەنزین مومتاز ئەرا (1250 دینار) ئەرا هەر لیتریگ  لە 5/1/ 2024ەو چوودە ئاست جیوەجیکردن، وە مەرجیگ بڕە زیادکردنەیل ڕەوانەی وەزارەت دارایی بکریەێد، و دویای سێ مانگ سەرلەنوو وەو زیادکردن کە وەرجەیە باسی کریاس، سەرلەنوو وەپیەو نووڕن”.

ئەنجومەن وەزیرەیل عراق، رووژ سێشەممە 26 ئازار، بڕیار دا نرخ سزەمەنی ماشین وەڕێژەی نزیکەی 30% ئەرا بەنزین موحەسەن بەرزەو بکەێد، و وەڕێژەی 25% ئەرا کوالێتی "سوپەر".

 ئەنجومەن وەزیرەیل لە دانیشتن ئاساییی، دەنگدا لەبان بەرزکردن نرخ سزەمەنی ماشین کە لە مانگ ئایار ئایندەو دەسوەپی بکەێد.

هەمیش ئەنجومەن دەنگدا لەبان بەرزکردن نرخی بەنزین موحەسەن لە 650 دینار ئەرا هەر لیتریگ ئەرا 850 دینار، و بەنزین مومتاز لە هەزار دینارەو ئەرا هەزار و 250 دینار ئەرا هەر لیتریگ، تا 1 ئایار.