هەواڵی کوردستان ئێستا

شەفەق نیوز/ سەرچەوەیگ ناوخوەیی لە بەغداد، ئمڕوو پەنجشەممە، خەوەردا لە مردن و زەخمداری پەنج کەسو منڵیش هاناویان وە رویداو هاتوچو لە خوەرهەڵات بەغدای پایتەخت، هەمیش تەرم داڵگ و کوڕیگ کوشیاگ وە چەقوو لە پارێزگای نەینەوا پەیاکریا.

سەرچەوەگە وە ئاژانس شەفەق نیو وت، "رویداویگ  لە یەکەوداین لەناوەن دوو ماشین رویدا لەوەر خێرایی تونیگ لە کویچەی رشاد خوەرهەڵات بەغداد، بویە هووکار مردن کەسیگ  و زەخمداری 4 کەس مناڵیش هاناویان".

وتیش، "زەخمدارەیلە ئەرا چارەسەرکردن کلکریانە خەستەخانە و تەرمەگەیش ئەرا تەواوکردن رێکارەیل یاسایی ئەرا فەرمانگەی پزیشک دادوەری کلکریان".

لە نەینەوا، سەرچەوەیگ ئەمنی وە اژانس شەفەق نیوز خەوەردا، تەرم ژنیگ و کوڕەگەی وە کوشیاگی وە کەرەستەی تیژیگ پەیاکریاس لە ئاوای "عەلولی" سەر وە قەزای تەلەعفەر لە نەینەوا.

دیاریکرد "هێزە ئەمنیەل ئاخڵەی شوین رویداوەگە دان و تەرمەیلە ئەرا پزیشک دادوەری کلکردنە و لێکۆڵینەوە لە چۆنیەتی رویداوەگە وازکریا".