هەواڵی کوردستان ئێستا

شەفەق نیوز/ دەسەی کەشناسی عراق، ئمڕوو جمعە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس هەڵکردن خوەڵوتووز و بەرزەوبوین پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو شەممە، رووشنە وەگەرد لەکە ئەوریگ و خوەڵوتووز سووکیگ لە ناوچەی ناوڕاس و باشوور، و لە ناوچەی باکوور نیمچە ئەورە وەگەرد نمە وارانیگ، و پلەی گەرمی چەن پلەیگ بەرزەو بوود.

  

وتیش: رووژ یەکشەممە، وەگشتی رووشنە تا نیمچە ئەورە، وەگەرد خوەڵوتووز سووکیگ، و پلەی گەرمی چەن پلەیگ بەرزەو بوود.

دەسەگە وتیش: رووژ دووشەممە، وەگشتی رووشنە وەگەرد لەکە ئەوریگ، و پلەی گەرمی کەمیگ نزمەو بوود.

دەسەگە دیاری کرد کە کەشوهەوای وڵاتەگە ئەرا رووژ سێشەممەی ئایندە، وەگشتی رووشنە، و پلەی گەرمی جویر خوەی مینێد.