هەواڵی کوردستان ئێستا

شەفەق نیوز/ راپۆرتیگ لە وڵات مەغریب، باس رویداویگ ناوازە و ئەڵاجەوی کرد، کە پیاییگ دویای مردنی، و دویای هەڵدان چادر پرسە، لەناو تابووت هەڵسێد.

 

ماڵپەڕ "هسبريس" لە زوان سەرچەوەیلیگ ئاگادار وت: خیزانیگ خەڵک شار ستات کەسیگسان ئەرا خەسەخانەی دار بەیزا بردن دویای ئەوە کە تەندروسیی شیویا، و بڕیگ تاقی ئەرای کریا، دویای ئەوە خەسەخانەگە مردنی توومار کرد، و وەناو تابووتیگ لە خەسەخانە دەرکریا، تا پرسەی بنەن و بنەنەی خاک.

 

سەرچەوەیل وتن؛ خیزانەگە چادر پرسە نزیک ماڵ خوەیان هەڵدان، و مەردمیش هەر لە شەوەکیەو ئەرا پرسە و سەرەخوەشی هاتن، و چوینکە چەوەڕی کەسیگ فرە نزیک لە مردگەگە کرد وەزوی نەوردنەی قەورسان.

   

دویای چەن ساعەتیگ، خیزانەگە نووڕێد لاشەی مردگ جویلە کەێد، و گشتیان سەرسام بوین.

 

خیزانەگە داوا کردن پیاوە مردیەگە ئەرا نزیکترین بنکەی تەندروسی بوەن، کە ئیرنگە ئەو پیاوە لەژیر هەناسەدان دەسکرد ژیەێد.