هەواڵی کوردستان ئێستا

شەفەق نیوز/ شانەی راگەیانن ئەمنی، ئمڕوو شەممە، خەوەردا لە کوشیان و زەخمداری سێ کەس لە ئەنجام تەقەکردن لە ناوچەی سەحەفیین لە پارێزگای میسان.

شانەگە لە بەیاننامەیگ رەسیە ئاژانس شەفەق نیوز وت د: فەرماندەیی پولیس پارێزگای میسان دەسکردە ریکارەیل یاسایی ئەرا رەسین وە بندروس رویداویگ تەقەکردن لە ساعەت 2 شەفەق ئمڕوو شەممە، وەبان دوو کەن لە ماشینیگەو لە ناوچەی سەحەفیین کە هەردوگیان زەخمدار بوین.

 

وتیش: ماشینیگ وە خود شیوە لە ناوچەی مشەرەح پەیا کریا شوین خوین و تفەنگ کلاشینکۆف لەناوی بوی، و دویای وەشکین و وەشوینکەفتن خوینەکە دەرکەفت کە خاوەن ماشینەگە کولە لە رانی دریاس و لەوەر خوینوەربوین دویای رەسینی ئەرا ماڵ گیانی لەدەسداگە.

  

بەیاننامەگە دووپات کرد کە هیمان لێکۆڵینەوە وەردەوامە و تیمیگ ئەرا ئی کارە دروس کریا.

هەمیش لە میسانر سەرچەوەیگ ئەمنی خەوەردا لە توومارکردن خوەیکوشتن گەنجیگ لەناوڕاس پارێزگاگە.

سەرچەوەگە ئەرا ئاژانس شەفەق نیوز وت: گەنجیگ وە گولەی کلاشینکۆف لەناو ماڵەگەی لە گەڕەک نەهاوەند ناوڕاس شار عمارە خوەی کوشت.

سەرچەوەگە دیاری کرد کە هیزیگ ئەمنی رەسیە شوین رویداوەگە، و تەرمەگە ئەرا پزشک دادوەری برد، و لێکۆڵینەوە ئەرا رەسین وە بندروس رویداوەگە واز کرد.