هەواڵی کوردستان ئێستا

شەفەق نیوز/ سەرچەوەیگ ئەمنی لە پارێزگای کەرکوک، ئمڕوو چوارشەممە، خەوەردا لە سزیان رووبەر فرەیگ لە خەلەیل گەنم باشوور پارێزگاگە لەوەر شۆرت کارەبا.

سەرچەوەگە ئەرا ئاژانس شەفەق نیوز وت: شۆرت کارەبا بویە هوکار سزیان رووبەر فرەیگ لە دوو خەلەی گەنم لە ئاوای تەل وەرد لە ناحیەی مولتەقا باشوور پارێزگای کەرکوک، و خەڵکەگە ئاگرەگە کپەو کردن.

سەرچەوەگە وتیش: کشاوەرزەیل داوای هاوردن مەفرەزەیگ وەرگری شارستانی کەن کە لە ناحیەی مولتەقا بمینێد هەکاتی ئەو ناحیە و قەزایل ترەک تا جاریگ ترەک رووبەرەیل کشتوکاڵی نەسزیەن.