هەواڵی کوردستان ئێستا

شەفەق نیوز/ دەسەی کەشناسی عراق، ئمڕوو سێشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس واران و داوەزیان پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو چوارشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە تا ئەور تەواوە وەگەرد نمە وارانیگ، و پلەی گەرمی لە ناوچەی ناوڕاس و باشوور جویر خوەی مینێد، و لە ناوچەی باکوور چەن پلەیگ نزمەو بوود.

 

وتیش: رووژ پەنجشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە وەگەرد نمە وارانیگ، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور کەمیگ بەرزەو بوود، و لە ناوچەی باشوور کەمیگ نزمەو بوود.

دەسەگە دیاری کرد کە رووژ جمعە، رووشنە وەگەرد لەکە ئەوریگ لە ناوچەی ناوڕاس و باشوور، ولە ناوچەی باکوور نیمچە ئەورە وەگەرد دەرفەت نمە وارانیگ، و پلەی گەرمی لە ناوچەی ناوڕاس و باشوور کەمیگ بەرزەو بوود، و لە ناوچەی باکوور چەن پلەیگ بەرزەو بوود.

دەسەگە وتیش: کەشوهەوای وڵاتەگە ئەرا رووژ شەممەی ئایندە، وەگشتی رووشنە وەگەرد لەکە ئەوریگ، و پلەی گەرمی لە ناوچەی ناوڕاس چەن پلەیگ نزمەو بوود، و لە ناوچەی باکوور کەمیگ نزمەو بوود، و لە ناوچەی باشوور نزیک رووژ وەرجە خوەیە.