هەواڵی کوردستان ئێستا

شەفەق نیوز/ شانەی راگەیانن ئەمنی، ئمڕوو چوارشەممە، خەوەردا لە کوشیان دوو تیرۆست یەکیگیان پشتین بومبی بەساس، و کوشیان ئەندامیگ ئەمنی و زەخمداری یەکیگ ترەک لە رویوەڕویبوین باشوور روتبە لە پارێزگای ئەنبار.

شانەگە لە بەیاننامەیگ رەسیە ئاژانس شەفەق نیوز وت: ئەو کار هەواڵگری جیاوازە کە هیزەیل ئەمنی ئەنجامی دەنر رەسیە ئامانج خاسیگ وە ئاست بەرز، کە وەڕیەوبەرایەتی هەواڵگری و دژە تیرۆر ئەنبار توەنستن زانیاری گرنگ گردەو بکەن لەبان تیرۆرستییەیل لە کەرت وەرپرسایەتی.

 

بەیاننامەگە وتیش: هیزیگ لە فەوج تەکنیکی لە فەرماندەیی پولیس ئەنبار دەسکردە جیوەجیکردن ئەرک ئەمنی لە رووشنایی ئی زانیارەیلە، ئەرا وەشوینکەفتن سێ ئەندام تیرۆری لەناو ماشینیگ بارهەڵگر و تەقەکردن لەلییان.

 

وەگورەی بەیاننامەگە، ئەرکەگە رەسیە کوشتن دوو تیرۆست یەکیگیان پشتین بومبی بەساگڵ لە باشوور روتبە، و جەنگاوەریگ بویە قوربانی و یەکیگیش زەخمدار بوی، لەو ئەرکە کە تا وەخت رەسین خەوەرەگە وەردەوام بوی.