وە ئەمانجگردن سێیەم چێشتخانە لە بەغداد لەماوەی چەن ساعەتیگ
2024-05-27 10:30:07 - سەرچاوە: شەفەق نیوز
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە وە ئامانجگردن چێشتخانەیگ وە بۆمب لە بەغدای پایتەخت عراق، یەیش سێیەم حالەتە لەاوەی چەن ساعەتیگ.
سەرچەوەگە وە ئاژانس شەفەق نیوز خەوەردا، بۆمبیگ دروسکریاگ ناوخوەیی لەنزیک چێشتخانەی "لیز جڵی هاوس" لە جادەی فەڵەستین دانریاگە.
وتیش، شەوەکی ئمڕوو بۆمبەگە تەقەیە، وەبی ئەوەی باس لە زەردەیل گیانی بکرێد تەنیا زەردەیل دارایی دیاریکردیە.
دویەکە، کەسەیلیگ نەناسریاگ پەلامار دوو چێشتخانەی سەر وە زنجیرە چێشتخانەی " KFC" ئەمریکی دان یەکەم لە جادەی فەڵەستین و ئەوەکەش لە ناوچەی کەرادە ـ 62 لە بەغدای پایتەخت.
