هەواڵی کوردستان ئێستا

شەفەق نیوز/ سەرچەوەیگ ئەمنی لە بەغدا، ئمڕوو جمعە، خەوەردا لە کوشیان دویەتیگ وە رویداو تلیان لەناوڕاس بەغدای پایتەخت، و دویەتیگ ترەک خوازیە خوەی وە ئاگر بکوشێد.

 

سەرچەوەگە ئەرا ئاژانس شەفەق نیوز وت: دویەتیگ لە تەمەن 25 ساڵان وە رویداویگ هاتوچو لە ناوچەی کەرادە خارج ناوڕاس بەغداد گیانی لەدەسدا، و رانندەگە وەرەو شوین نادیاریگ وایە.

 وتیش: هیزیگ ئەمنی تەرمەگە ئەرا پزشک دادوەری برد، و لێکۆڵینەوە لە رویداوەگە واز کرد.

وتیش: دویەتیگ لە تەمەن 24 ساڵان خوازیە لەناو ماڵەگەی لە شار سەدر خوەی وە نەفت بسزنێد، وەلێ کەسوکارەیلی توەنستن قورتاێی بکەن و بڕەسننەی خەسەخانە.

سەرچەوەگە دیاری کرد کە وەگورەی زانیارییەیل سەرەتایی، دویەتەگە زیان لە کیچەڵ دەروینی داشتگە.