دەسگیرکردن خانمە گورانیچڕیگ سوری وە توومەت ناوەڕۆک ناشایستە
سەرچەوەگە ئەرا ئاژانس شەفەق نیوز وت: هیزە ئەمنییەیل وە توومەت ناوەڕۆک ناشایستە خانمە گورانیچڕ سوری (ئینجی فەرەح) وەگورەی بڕگەیل ماددەی 403 لە یاسای سزادان عراقی دەسگیر کردنە.
لە مانگ شوبات ساڵ 2023، وەزارەت ناوخۆ و ئەنجومەن باڵای دادوەری دەسکردنە هەڵمەتیگ لەبان ئەو کەسەیلە کە توومەتباریان کردوین وە بڵاوکردن "ناوەرۆک رسواکردن" لە سۆشیال میدیا و لە ئەنجام فەرمان دەسگیرکردن و سزای زیندانیکردن لەبان چەن کەسێکدا دەرچگە.
هەر لەو مانگە وەزارەت ناوخۆی عراق راگەیان لە ری پلاتفۆرم “بەللیغ” 96 هەزار ڕاپۆرت “ناوەڕۆک نزم” رەسیە، کە لە پێگەی فەرمي خوەی بڵاوی کردگە، و هەڕەشە لە هەر ئەفسەریگ کرد کە پەیوەندیی وەرد بڵاوکەرەیل “ناوەڕۆک و نزم” بیاشتوود.
لەم دواییە ڤیدیۆ کلیپی کەسایەتییە ناودارەیل لە سۆشیال میدیا پەخش کریان کە لەناویان باوەت نۆم پێشکەش کەن کە وەرد کولتوور گشتی و داب و نەریتی کۆمەڵایەتی نەپووڕیاس، وەگورەی ئەوەگ چالاکوانەیل کاروبار کۆمەڵایەتی چەودیاری کردنە.
بەڵام لەلاییگ ترەک چالاکوانەیل هوشداریەدەن کە هەڵمەتەگە بوودە پڕۆژەیگ بۆ بیدەنگکردن خەڵک کە هەڕەشە لە ئازادیی قسەکردن کەێد، وە دەسپیچگ “باوت نزم” کە هویچ پەیمانەیگ دیاریکریای نەیرێد.
