هەواڵی کوردستان ئێستا

شەفەق نیوز/ سەرچەوەیگ ناوخوەیی لە نەجەف، ئمڕوو دووشەممە، ئاشکەرایکرد،  فەرمانبەرەیل وەزارەت کارەبا رویوەڕوی تەقینەوەیگ بوینە لە مەوقەی خاسەوکردن یەکیگ لە ویسگەیل، و وەزارەتەگە بی دەنگە لە رویداوەگە.

سەرچەوەگە وە ئاژانس شەفەق نیوز راگەیان، "هەشت فەرمانبەر لە بەش خاسەوکردن و دەمداین تووڕەل گواستنەوەی وزە ئەرا پارێزگای نەجەف رویوەروی رویداوەیگ تەقینەوە هاتنە لەمەوقەی کارەیل خاسەوکردن"وتیش، "رویداوەگە یەکیگ لە فەرمانبەرەل هووکارەگەی بویە کە کڕ  " 33 KV" دەمدایە وەبان ویستگەگە لە مەوقەی خاسەوکردنی".

سەرچەوەگە وتیش، "فەرمانبەرەیل ئەرا خەسخانە کلکریانە و بارودۆخیان ناجیگیرە، بڕیگیان هانە ژیر چەودێری چڕ"وتیش "وەزارەتەگە بی دەنگە وەبان  رویداوەگە کە ماوەی 3 رووژە رویدایە".

سەرچەوەگە وتیش؛ ئەو کارمەنە کە وەرپرس رویداوەگە بویە سزادریەێد.