هەواڵی کوردستان ئێستا

شەفەق نیوز/ شارەزای  زەویلەرزەی هۆڵەندی فرانک هۆگربێتس، هوشداری نوویگ بڵاوکرد، کە ئمڕوو 4 حوزەیران زەوی وە کەفێدە جومگە  کە عەنارد و ڤینۆس لەناوی بەشدارن، یەیش هاتی بوودە مدوو گورجی زەویلەرزەیل گەورە، وە ئەگەر فرەیگ لە ماوەی ناوەین 6 تا 8 حوزەیران، دوای دیاردان مانگ نوو لە 6 حوزەیران.

توێژەرە هۆڵەندییەگە، لە هەژمار خوەی لە ماڵپەڕ “X”، خەوەر فەلەکی دەزگای توێژینەوەگە وە سەرۆکایەتی SSGEOS بڵاوکردە، کە لە  مەزەنەیلی ئاشکرا کرد.

 لەباوەت ئی رووژەیلە تا و 11ی حوزەیران، هۆگرێبێتس لە ڤیدیۆگە کە لە ئەکاونت یوتیوبەگەی نیشان دریاس، وت: "ئیمە لە چوارەم (ئمڕوو) ئەندازەییگ جیاواز ئەرامان دەرچوود"، وباس دوو بەسانەوەی هاووەخت کرد: یەکەمیان زەوی، عەتارد و موشتەرییە ، و دویەمیان ڤینۆس و خوەر و زەوییە و زوور لەوە کرد کە “یە نشان دەێد کە بایەسە لە ئامادەباشییگ فرە بویمن”.

وتیش: "ئەگەر رویدان زەویلرەزەیگ گەورە هەس"، کە ئەو دوو پەیوەندییە کەمتر لە 5 ساعەت لەیەکترەوە دویرن، یەیش گرنگی فرەیگ دیرێد.

 دیاری کرد کە " دوو جفتەوبوین مانگ تیەێد، یەکیگیان وەرد ئۆرانۆس و ئەوەکە وەرد موشتەری، دویای ئەوە مانگ کەفێدە ناوەین زەوی و خوەر، زانین یە مانگ نووە کە لە رووژ شەشەم حوزەیران رویدەێد". 

 لەباوەت ئەو مەوقە کە مەزەنە کەێد گورجی زەویلەرزەی گەورە روی بەێدر توێژەرە هۆڵەندییەگە وت، “مەزەنەی دیاریکردنی کەمیگ قورسە ئەراوە،  هاتێ ماوەی 6 تا 7 تا 8 حوزەیران گرنگترین ماوە بوودر کە  زەویلەرزەیگ گەورە وە نزیکەی 7 پلە (وەگورەی پەیمانەی ڕێختەر) روی بەێد.”

 وتیش: ئەگەر بنووڕیمنە نیمەی دویەمی ئی چوارچیوەی وەختیە، ئەندازەییگ  دوینین وە تایبەتی ئەندازەیی سویک ڕاس کە هەسارەیل ڤینۆس و عەتارد هاناویر لە 7 و 8 و 10ی حوزەیران، ئیکە دوو پەیوەندی هەسارەیی دیریمن خوەر و مێرکوری و ئۆرانۆس لە رووژ نۆهەم (لە مانگ حوزەیران) و خوەر و موشتەری لە رووژ دەیەم (لە مانگ حوزەیران) ڕی شیوەی هەسارە توەنن بوونە مدوو زیایبوین گورجی زەویلەرزەیل، کە لە 6 پلە نزیک بوود، ئەراوە هاتێ لە نیمەی دویەم ئی ماوە، تا رووژ 11، زەویلەرزەیگ قایمتر بوود.