خاسترین چێشتخانەیل جەهان ئەرا ساڵ 2024
2024-06-08 15:30:08 - سەرچاوە: شەفەق نیوز
شەفەق نیوز/ چێشتخانەی دێسفرۆیتار لە پەرشەلۆنە ناونازاری "خاسترین چێشتخانەی جەهان" لە لیست ناودیار "پەنجا خاسترینەیل وەدەسهاورد، کە ئمساڵ چێشتخانەیل ئیسپانیا و ئەمریکای لاتینی گردبویەخوەی.
وەپای "سکای نیوز"، دیسفرۆیتار وەلایەن سێ چێشتلێنەر وەڕێوەبڕێد کە لە چێشتخانەی وەناوبانگ ئێل بولی لە شار رۆزێس لە ئیسپانیا مەشق وەپیان کردنە، کە پێنج جار لە پلەی یەکەم لیست پەنجا خاسترینەیل بویە، یەکەمیان لە ساڵ 2002 لە رزبەنیەگە بویە.
هەمیش چێشتخانەیگ ئیسپانی وەناو ئەسادۆر ئێچێپارێ لە شار ئاچوندو لە وڵات باسک پلەی دویەم وەدەسهاورد.
پلەى سێهەمیش ئەرا "تەبڵ دو برۆنۆ فێرگس" بوی لە پاریس کە یەکیگە لە گرانترین چێشتخانەیل پایتەخت فەرەنسا.
