هەواڵی کوردستان ئێستا

شەفەق نیوز/ سامسۆنگ ئامادەکاری کەێد ئەرا خستنە بازاڕ ساعەت نوویگ گالاکسی واتچ ئۆلترا، کە تایوەتمەنیەیل جیاوازیگ گرێدە خوەی.

وەپای دویا زانیای دزەکریاگەیل جویر ئەوەگ لە  "روسیا تودەیـ"ـدا هاتیە، ساعەتەگە پێکهاتەیل ئاوی دیرێد کە خاوەنەگەی توەنێد تا قویڵی 100مەتر ئاو وەگەرد خوەی بوەدێ و وەچوارچمگیگ تیتانیۆم قایمیگ دەورە دریاگە شاشەیگ پارێزیگ و شیشەیگ فرە قایم دیرێد کە بەرگەی زەبر هەوا گرێد.

شاشەگەی 92,1 ئینج بوود، کوالێتی شاشەگەی (502/410) پێکسڵە و فرەترین رێژەی رووشنایی نزیکەی 3000cd/m بوود.

ساعەتەگە لەبان  سیستەم Android Wear OS 4 کارکەێد وە رووکاری One UI Watch 5 و پڕۆسێسەریگ Exynos کە وە تەکنەلۆژیای 3nm ئەوزەڵ دریاس و پڕۆسێسەریگ گرافیکی Mali-G68 و رام 2 گێگابایت و بیرگەی ناوەک 32 گێگابایتی دیرێد.

هەمیش سامسۆنگ تەکنەلۆژیای eSIM و مایکرۆفۆن و بڵندگۆ ئەرا پەیوەندی دەنگ و تەکنەلۆژیای بلوتوزی 5.4 و چیپی NFC و سیستەم جێگیرکردن مانگ دەستکرد وەبان ساعەتەگە جیگیرکردیە.