هەواڵی کوردستان ئێستا

شەفەق نیوز/ سەرچەوەی ئەمنی، ئمڕوو سێشەممە، خەوەردا لە خوەیکوشتن گەنجیگ کە خەی لەناو ماڵ هەڵواسیە لە خوەرهەڵات بەغداد، وەگەرد قورتارکردن پیاویگ لە تەقەلای خوەیکوشتن لەی فرەداین خوەی لەبان یەکیگ لە پیەڵەیل پایتەخت.

سەرچەوەگە وە ئاژانس  شەفەق نیوز وت، " گەنجیگ لە داڵگبوی 1990 خوەیکوشتیە لەری هەڵواسین خوەی وە پەت هەڵواسیایگ لە قێ قەواسەی وتاقیگ ناو ماڵیان لە ناوچەی کویچەی بەتول کشاوەرزی"وتیش، "تا ئیسە هووکار خوەیکوشتنەگەی نەزانریاگە".

سەرچەوەگە وت "پیایگ لە داڵگ بوی 1972 خوەی لەبان پیەڵ ئەحرار لەنوڕاس بەغداد وەخوار خستیە، ئەرا ناو چەم دیجلە وە مەبەست خوەیکوشتن".

وتیش "دەوریەیل پۆلیس  نزیک ناوچەگە و پۆلیس دەریاوانی رەسینەس ئەرا قورتارکردن و لە بنکەی پۆلیس پارێزیاگە و رێکار یاسایی وەرانوەری گیرێد".