هەواڵی کوردستان ئێستا

شەفەق نیوز/ فەرمانگەی تەندروسی دیالە، ئمڕوو چوارشەممە، خاسەوبوین خانمە پەرستاریگ راگەیان کە وەرجە چەن رووژیگ تویش تەو خوینوەربوین هاتوێد.

فارس عەزاوی وەڕیووبور راگەیانن تەندروسی دیالە ئەرا ئاژانس شەفەق نیوز وت: خانمە پەرستاریگ لە خەسەخانەی بەعقووبە وەرجە چەن رووژیگ تویش بیماری تەو خوینوەربوین هات، و تەندروسیی سەخت بوی.

وتیش: بیماریەگە خریا ژیر چەودیاریکردن تەندروسی فرەیگ، تا خاسەو بوی، و ئەرا ماڵ خوەی دەرچگ.

عەزاوی وتیش: تیمەیل پزشکی ریکارەیل جیوەجی کەن و هەڵمەتەیل مقیەتیکردن و هووشیاری لەبان قەساوخانەیل وەڕیەو بەن، وەتایبەت وەگەرد نزیکەوبوین جەژن، ئەرا سنووردارکردن تویشهاتن و نواگیریکردن بڵاوبوین بیماریەگە.

 

لە سەرتای ئی هەفتە، ئیبتسام جاسم خانمە وەڕیەوبەر خەسەخانەی ڤێتێرنەری لە دیالە، توومارکردن دویەم تویشهاتن وە تەو خوینوەربوین لە پارێزگاگە راگەیان، ئەوەیش دویای توومارکردن بیماریگ لە ناحیەی خان بەنی سەعد، کە رەسیە مردن.