هەواڵی کوردستان ئێستا

شەفەق نیوز/ سەرۆک ناوەند ستراتیجی ئەرا ماف مرۆڤ لە عراق، فازڵ ئەلغەراوی، ئمڕوو شەممە، دووپات کرد کە لە ماوەی سێ ساڵی گوزەشتە سەدان پێشێلکاری وەرانەور رووژنامەنویسەیل بەڵگەی کریاس.

لە بەیاننامەیگ رەسیە ئاژانس شەفەق نیوز وت: پێشێلکارییەیل جیاجیان، لەلیان قاوداین، دادگاییکردن، رخبردن، ریگریکردن لە وینەگردن، شکانن کەرەستەیل، و چشتەیلیگ ترەک.

غەراوی وتیش: عراق لە ساڵ 2024 لەڕوی ئازادی رووژنامەگەری لە پلەی 169ی جەهان و لە جیهانی عەرەبی لە پلەی 12 بویە لە بڕ 180 وڵات، یەیش وە بەراورد ەە ساڵ گوزەشتە 2023 دوو پلە داوەزیاس، کە  رزبەندییەگەی لە ئاست جەهانی 167 بویە، یەیش نشانەس ئورا ئەوە کە پلەی عراق لە ساڵ 2023 ئەرا ئازادی رووژنامەگەری 32.9 داوەزیاس ئەرا 25.4 لە ساڵ 2024. 

غەراوی وتیش "عراق لە پلەی یەکەم جەهانە لە شمارەی شەهیدەیل رووژنامەگەری، کە رەسیە 470 شەهید". 

غەراوی داوا لە حکومەت کرد، وە بوونەی رووژ نیشتمانی ئازادی رووژنامەگەری، ژینگەی کار رووژنامەوانی قایمتر بکەێد و ئازادی رووژنامەگەری مسۆگەر بکەێد و مقیەتی رووژنامەنویسەیل  و ستراتیژی نیشتمانی ئەرا ئازادی رووژنامەگەری بخەێدە ئاست جیوەجیکردن.