هەواڵی کوردستان ئێستا

شەفەق نیوز/ تیمیگ تەندوسی زانکۆیگ بەریتانی ئەزموونیگ ئەنجامدانە ئەرا دیاریکردن وەرجەوەختەی جەڵتەی دڵ.

توێژینەوەی نوویگ کە وەلایەن زانکۆی لەندەن ئەنجامدریایە، چەسپانیە تەکنیکیگ ئەوزەڵدریاگ لەبان بنەمای دەرزی دان لە بڵق گاز بویچگ ناو خوین، ئەنجامیگ ئومێد بەخش وەدەسهاورد لە دیاریکردن مەترسیەیل تویشهاتن وە جەڵتەی دڵ پیشوەختە.

تیمەگە ئاشکەرایکردن، لەوەخت درزی دان لە بڵقەگان، توەنرێد شوین جویلەیل دیاریبکرێد ئەگەر یەواشبوین یا وسیان بوود هاتێ گیریانیگ رخبەر  لە سوڕ خوین بوود، لەوەخت خوین چگنی ئەرا دڵ وسێد و بوودە هووکار ژان تونیگ لەناو سینگ یەیش نیشانەس پەرا جەڵتەی دڵ.

لەدویای نزیکەی سێ ساعەت بیمارەگە تاقیکردنەوەی ترەک  “ترۆپۆنین” ئەرایان کرێد  ئەرا پشت ڕاسکردن ئەنجام تاقیکردنەوەی یەکەم، ئەوانەگ نمرەی بەرزیگ  “ترۆپۆنین”دیرن ئەرا  ئەنجیۆگرافی و تیشکی ئێکس کلکریەن، ئەرا دەسنیشانکردن گیریان خوین.