هەواڵی کوردستان ئێستا

شەفەق نیوز/ دەسەی کەشناسی عراق، ئمڕوو یەکشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس بەرزەوبوین پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو دووشەممە، لە ناوچەی ناوڕاس و باکوور رووشن و گەرمتر و لە ناوچەی باشوور پلەی گەرمی کەمیگ بەرزترە.

وتیش: رووژ سێشەممەر لە گشت ناوچەیل وڵاتەگە ئاسمان رووشنە و پلەی گەرمی نزیک رووژ وەرجە خوەیە.

دیاری کرد کە رووژ چوارشەممە، ئاسمان رووشنە وەگەرد لەکە ئەوریگ، و پلەی گەرمی لە ناوچەی ناوڕاس و باکوور کەمیگ بەرزەو بوود، ولە ناوچەی باشوور نزیک رووژ وەرجە خوەیە.

دەسەگە دیاری کرد کە کەشوهەوای وڵاتەگە ئەرا رووژ پەنجشەممەی ئایندە، پلەی گەرمی لە گشت ناوچەیل وڵاتەگە کەمیگ بەرزەو بوود.