هەواڵی کوردستان ئێستا

شەفەق نیوز/ سەرچەوەیگ لە وەڕێوەبەرایەتی کارەبای پارێزگای سەلاحەدین، ئمڕوو یەکشەممە راگەیان کە زریانیگ تون بوبە هوکار کەفتن سێ تاوەر ڤۆڵتیە بەرز و لەوەر ئەوە کارەبای قەزای شیرقات وەتەواوی بڕیا.

سەرچەوەگە ئەرا ئاژانس شەفەق نیوز وت:  "گەردەلویلیگ تون خوەڵوتووز قەزای ئشیرقات لە پارێزگای سەڵاحەدین گردەو، لە ئەنجامی سێ تاوەر بەرز کەفتنە خوارەو". 

وتیش: "لەوەر کەفتن تاوەرەیل کارەبا لە قەزای شیرقات و بەشیگ لە قەزای تکریت بڕیا".

سەرچەوەگە وتیش: "تیمەیل خاسەوکردن وەکوتپڕ دەسکردنە خاسەوکردن ئەو تاوەرەیلە کە لە ئەنجام ئەو زریانە تونە کەفتنسە خوار."