هەواڵی کوردستان ئێستا

شەفەق نیوز/ دەسەی ئامار تورکیا، ئمڕوو دووشەممە، راگەیان عراقیەیل پلەی پەنجەم وەدەسهاوردن لەناوەین ئەو وڵاتەیلە  زیاترین موڵک لە تورکیا سەننە لەماوەی مانگ ئایار گوزەشتە.

 

لە راپۆرتیگ دەسەگە کە ئاژانس شەفەق نیوز ئیسفایکردیە دەرچگە، رێژەی فروشتن ماڵ وە بڕ  2.4% لە مانگ ئایارداوەزیایە وەبەراورد وە هەمان مانگ لە ساڵ وەرین رەسیەس ئەرا  110,588 ماڵ.

لەناوەین پارێزگایەیل، ئستەنبول ها لە لوتکەی فروشتن رەسیە ئەرا  18,814 ماڵ، لەدویای ئەنقەرە وە ـ 9,861 ماڵ، ئانتالیا وـ 6,306 ماڵ، بایبۆرت کەمترین فروش داشتیە ڕەسیە ئەرا 37 ماڵ و ئەردهان  46 ماڵ، هەکاری 60 ماڵ.

دەسەگە دیاریکرد رووسیەگان پلەی یەکەم وەدەسهاوردنە لە سەنین مولک لە تورکیا لەماوەی مانگ ئایار وە سەنین 437 ماڵ، لەدویایان ئیرانیەیل وە 207 ماڵ، لەدویایان ئۆکرانیا وە 171 ماڵ، ئەڵمانیا وە104 ماڵ. 

لەهەمان وەخت عراق لە پلەی پێنجەم تێد لە سەنین 98 ماڵ و کازاخستان وە پلەی شەشەم وە 95 ماڵ و سعودیە وە 65 ماڵ.