هەواڵی کوردستان ئێستا

شەفەق نیوز/ ئیلێنا ڕۆمانۆڤسکی باڵیۆز ئەمەریکا لە عراق، ئمڕوو سێشەممە، لەباوەت بڕیار خستن بزووتنەوەی "ئەنساروڵا ئەلئەوفیای عراق" و سەرکردەگەی لەناو لیست تیرۆریستی هاتە دەنگ.

ڕۆمانۆڤسکی لە پۆستیگ لەبان پلاتفۆرم ئێکس نویسان: وەزارەت دەیشت ئەمریکا، شەوەکی رووژ سێشەممە، دەسنیشانکردن بزووتنەوەی "ئەنسار الله الاوفیا" عراقی و ئەمیندار گشتیی جویر "بزووتنەوەیگ تیرۆریستی" ڕاگەیان.

وەزارەت دەیشت ئەمریکا راگەیان کە"بزووتنەوەی ئەنسار الله ئەوفیا میلیشیایگ هاوپەیمان ئیرانە و نوێنەرایەتی بەشیک لە وەرخودان ئیسلامی لە عراق کەێد".

 وتیش: واشنتۆن "پابەندە وە لاوازکردن و نەهیشتن توانای گروپەیل سەر وە ئیران ئورا جیوەجیکردن پەلامار تیرۆریستی، و وەکارهاوردن گشت ئامرازەیل وەردەس ئەرا نواگیریکردن پشتیوانەیل ئیران ئەرا تیرۆر".