دراوردن تەرم گەنجیگ دویای هەفتەیک لە خنکیانی لە کەربەلا
2024-06-19 15:45:07 - سەرچاوە: شەفەق نیوز
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە دراوردن تەرم گەنجیگ، دویای هەفتەیگ لە خنکیانی مەوقەی هاتنی ئەرا گەشتیاری لە قەزای هندیە خوەرهەڵات پارێزگای کەربەلا.
سەرچەوەگە ئەرا ئاژانس شەفەق نیوز وت: پولیس ئاوی تەرم گەنجیگ دراورد، دویای هەفتەیگ لە خنکیانی لە چەم فورات لە قەزای هندیە خوەرهەڵات کەربەلا.
سەرچەوەگە دیاری کرد کە گەنجەگە وەگەرد خیزانەگەی ئەرا گەشتیاری هاتگە، و مەوقەی مەلوانیکردن خنکیاس.
