هەواڵی کوردستان ئێستا

شەفەق نیوز/ محمد شیاع سودانی سەرۆک وەزیرەیل عراق، ئمڕوو شەممە، فەرمان کەمکرن ساعەتەیل دەوام فەرمی لە عراق دا، لەوەر رەوشەیل بەرزەوبوین پلەی گەرمی، وەتایبەت وەختیگ رەسێدە لویتکە، ئەوەیش ئەرا سووکەوکردن بار هاوڵاتیەیل وەگشتی و فەرمانبەرەیل وەتایبەت و کەمکردن وەکارهاوردن وزەی کارەبا.

وەگورەی بەیاننامەی ئەمیندارێتی ئەنجومەن وەزیرەیل کە رەسیە ئاژانس شەفەق نیوز؛ سەرۆک وەزیرەیل فەرمان دا دەوام فەرمی لە گشت دامودەزگایل حکومەت لە گشت پارێزگایل بیجگە بەغداڕ لە ساعەت هەفت شەوەکی تا ساعەت یەک نیمەڕو بوود.

سودانی دەسەڵات دادا گشت پارێزگارەیل ئەرا پەکخستن دەوام فەرمی لە گشت دامودەزگایل لە پارێزگایان لەو رووژەیلە کە پلەی گەرمی رەسێدە 50 پلەی سەدی یا زیاتر.

 

سەرۆک وەزیرەیل فەرمان دا کار لە گشت دامودەزگایل حکومەت لە بەغداد پایتەخت وەگورەی وەختەیل بڕیار ئەنجومەن وەزیرەیل شمارە (24213) ئەرا ساڵ 2024 وەردەوام بوود، وەگەرد وەرچەوگردن ئی دوو تەوەرە: وەنوابردن وەخت دەسکردن وە دەوام فەرمی ئەرا ماوەی یەک ساعەت و کەمەوکردن ساعەتەیل دەوام تا ماوەی یەک ساعەت لە کۆتایی دەوام، کە وەخت کۆتایی دەوام دوو ساعەت وەرجە وەخت خوەی بوود، 

بەیاننامەگە وتیش: وەخت یا دەوام لەی بڕیارە لە رووژ یەکشەممە تا رووژ دووشەممە وەبان ئی وەختەیلە ری کەێد، دویای ئەوە ئەرا وەختەیل جارانی خوەی گلەو خوەێد، و وەزیر پەیوەندیدار ماف درویژەوکردن وەخت دەوام دیرێد لە ئەگەر گرنگییگ، وەگورەی یاسا.