تا رەسیە قاوداین وخوەی کوشتن.. توندوتیژی دژ وە پیاوەیل لە هەرێم کوردستان فرەوە بوی.
2020-04-30 00:00:00 - سەرچاوە: شـه‌فـه‌ق نيـوز
شەفەق نیوز/ رێکخراو یەکیەتی پیاوان لە هەرێم کوردستان، ئمڕوو پەنجشەممە، لە زیایبوین توندوتیژی دژ وە پیاوەیل لە ماوەی قەیەغەی هاتوچو لە قەیران ڤاێڕۆس کۆڕۆنا راگەیان.
بورهان عەلی سکرتێر رێکخراوەگە ئەرا شەفەق نیوز وت: لە سێ مانگە وەرینەی ٢٠٢٠ هەشمار هاڵەتەیل توندوتیژی دژ وە پیاوەیل بەرزەو بوی، و١٧٥ سکاڵا لە لاین پیاوەیلیگ تویش توندوتیژی هاتنە ، و ١٧ خوەیکوشتن، ویەک کوشیاگ وەدەس ژنەو وە هاوکاری خزمەیل تۆمار کریاس.
ولە ناوبەین ١٠ی ئازار تا ١٠ی نیسان، ک ماوەی کەرەنتینەی ماڵی تەندروسیەگەس لە هەرێم کوردستان، ٨٧ سکاڵا و ٧ خوەیکوشتن، ویەک کوشتن تۆمار کریا، وتیش؛ فرەی توندوتیژیەگان زوانی، وگەن رەفتاری، وبی رێزی بویە، وقاو داین پیاوەیل لە ماڵەیلیان وە دەس هاوسەرەیلیان، وهاتنە ناو کەسوکار ژن وە گرفتەیل ژنو شوی.
