هەواڵی کوردستان ئێستا

شەفەق نیوز/ وەلایەن کەشتییەگ ئاسمانی چینی توەنریا دوو کیلوگرام لە خوەڵ و سەنگ دیمە نەدوینریاگەگەی مانگ وەبان زەوی بڕەسنن و شارەزایەیل هویرەدەکارەیەگەی خەنە روی.

لوقمان حەوێز، شارەزای گەردوونناسیی كورد و ئەندام كۆمەڵەی گەردوونناسیی تەكساس رایگەیان، دویکە سێشەممە 25ی حوزەیران کەپسول کەشتیی چینیی (Chang’e-6) لە دویای گەشیگ دوو مانگی وەبان رویە نەدوینریاگەگەی مانگ، رەسیە بان زەوی و بڕ دوو کیلووگرام سەنگ و خوەڵ ئەودیم مانگ هاوردیە، کە کەشتیەگە لە 2ئێ مانگە وەبان چاڵ  ئەپۆڵۆ رویە نەدوینریاگەگەی مانگ نیشتیە.

چاڵی ئەپۆڵۆ (Apollo.crater) کەفێدە بەش جەمسەر باشوور دیمە نەدوینریاگەگەی مانگ، جویر ئەوەگ لوقمان عەزیز باس لەلی کردیە ئیە سێیەم جارە چین نیشتنەوەیگ نەرم ئەنجام بیەد لەو شوینەی مانگ کە هەرگیز وەبان زەوی نیەدوینرێد.