هەواڵی کوردستان ئێستا

پلانسازی لە (بیمەی کۆڕۆنا ) دابین کردن دارایی راگەینێد، ودیاری روژ خەرجی کەێد.

پلانسازی لە (بیمەی کۆڕۆنا ) دابین کردن دارایی راگەینێد، ودیاری روژ خەرجی کەێد.
پلانسازی لە (بیمەی کۆڕۆنا ) دابین کردن دارایی راگەینێد، ودیاری روژ خەرجی کەێد.

2020-04-30 00:00:00 - سەرچاوە: شـه‌فـه‌ق نيـوز

شەفەق نیوز/ وزارەت پلانزسازی، ئمڕوو پەنجشەممە، لە دابینکردن پوشانن دارایی ئەرا بیمەی قەیران کۆڕۆنا راگەیان، و دووپاتی لە خەرج کردنی لە هەفتەی هاتگ کرد.

بەیاننامەیگ ئەرا وزارەتەگە رەسیە شەفەق نیوز وت: ک نوری سەباح دلێمی وەزیر پلانسازی، ئمڕوو پەنجشەممە، سەرپەرشتی کۆبونەوەی هاوبەشییگ وەل کۆمیتەی کار وکارە کۆمەڵەتیەگان وکوچ وکوچبەرەیل پەرلەمانی کرد، لە ناوی باس لە ریەیل پشتگردن وە بەشە نازکەیل وشکست خوەرەیل لە پەتای کۆڕۆنا کریا، وخاسەوکردن توڕ جاوێر کۆمەڵایەتی، وە هاوبەشی پەڕلەمانتار رەعەد دەهلەگی سەرۆک کۆمیتەگە وئەندامەیلی.

 

وە گورەی بەیاننامەگە دلێمی  لە چەوپێکەفتنەگە  نیشان کارو رەنجەیل وزارەتەگە دژ وە قەیرانەگە وەماوەیل نزیک وناوڕاس دا، و دووپاتیێش وە خەرج کردن بیمەی ئاوارتەگە لەماوەی هەفتەی هاتگ کرد، دویای دابین کردن پوشانن پویلیەگەی.

 

وتیش؛ رەنجەیل ئەنجام دریاگ لە پڕۆژەی سندوق گەشەپێدان کۆمەڵایەتی ک پشتگیر پلانەیل ستراتیجی وزارەتەگەیە ئەرا کەمەو کردن هەژاری، ک وزارەتەگە وەپی دەس وە جیوەجی بوین ٧٠ پڕۆژەی خزمەتگوزاری لە بەشیگ پارێزگایل کردیە، وە پشتگیری سندوقەگە، و پڕۆژەی نیشتمانی ئەرا کارکردن گەنجەیل، ک لە سێ پارێزگا دەس وەپی کرد، ودویایی لە گشت پارێزگاگانیش جیوەجی بود.