هەواڵی کوردستان ئێستا

شەفەق نیوز/ پۆلیس نەینەوا، ئمڕوو چوارشەممە، خەوەردا لە دەسگیرکردن ژنیگ کە لەری دوسەگەی شوی خوەی کوشتیە.

پۆلیس ئمڕوو لە بەیاننامەیگ راگەیان، بەش پۆلیس تلکێف توەنستیە تاوان کوشتن هاوڵاتیگ ئاشکەرابکەێد، و و کەمتر لە شەش ساعەت لە رویدان تاوانەگە تاوانبارەیل دەسگیربکەێد.

لە بەیانامەگە ئاشکەرایکرد، "لە دویای دەسکردن وە ئاشکەراکردن و دیاریکردن شوین رویداوەگە و کووەوکردن بەڵگەیل دەرچگە توومەتبار کە تاوانەگە ئەنجامدایە وە هاوکاری وەگەرد ژن قوربانیەگە بویە لەدویای ئەوەگ پەیوەنی ناوەینیان و خیانەت ژنەگە وە شویەگەی وەگەرد توومەتبار ئاشکەرابوود".

وەپای بەیانامەگە، وتەی توومەتبارەیل وەرگیریاس و دان وە تاوانەگەیان دانانە و دادگا چەسپانیەسێ، و ئەرا دادگای پەیوەنیدار کلکریەن ئەرا دەرکردن راپۆرت چارەنویسیان.