هارون رەشید خوازێد خوەی لەبان پیچ سامەڕا بخەێدە خوار
2024-06-26 15:45:08 - سەرچاوە: شەفەق نیوز
شەفەق نیوز/ هیزیگ ئەمنی، ئمڕوو چوارشەممەر گەنجیگ رزگار کرد کە تەقەلا داگە خوەی لە بان پیچ (مەلویە)ی سامەڕا لە پارێزگای سەڵاحەدین بخەێدە خوار.
سەرچەوەیگ لە پولیس وت: هیزیگ لە وەزارەت ناوخۆ توەنست ئەو گەنجە وەناو هارون رەشید سەڵمان لەداڵگبوی ساڵ 1998 رزگار بکەێد، کە هاتیە خوەی بکوشێد و خوەی لە پیچ سامەڕا بخەێدە خوار.
وتیش: گەنجەگە خەڵک ناوچەی ئیسحاقیە، و هیزەگە دادەی دەس پولیس.
