هەواڵی کوردستان ئێستا

شەفەق نیوز: دەسەی کەشناسی عراق، ئمڕوو جمعە، مەزەنەیل کەشوهەوای وڵاتەگە ئەرا هەفتەی ئایندە راگەیان، و باس داوەزیان پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: لە رووژەیل شەممە و یەکشەممە و دووشەممە، لە هەفتەی ئایندە، ئاسمان رووشنە و پلەی گەرمی نزیک رووژ وەرجە خوەیە.

  

وتیش: رووژ سێشەممەی ئایندە کە کەفێدە دوو تەمووز، پلەی گەرمی کەمیگ لە ناوچەیل ناوڕاس و باکوور داوەزێد، و لە ناوچەی باشوور جیگیرە.

 

دەسەگە دیاری کرد کە پلەی گەرمی سوو لە وڵاتەگە وەیجویرە بوود: دهۆک 40 پلەی سەدی، بەسرە 48 پلەی سەدی، بەغداد 45 پلەی سەدی.