هەواڵی کوردستان ئێستا

شەفەق نیوز/ سەرچەوەیگ پولیس عراقی، ئمڕوو یەکشەممە، خەوەردا لە دەسگیرکردن ژنەیلیگ کە "لەشفرووشی و دەڵاڵی" کەن و دەیان کەس بیانی مەرجەیل نیشتەجیبوبن شکاننە، لە بەغدای پایتەخت.

 سەرچەوەگە ئەرا ئاژانس شەفەق نیوز وت: هیزیگ ەە فەرماندەیی فەرماندەی فەوج فریاگوزاری هەفتەم رەسافە ئەرکیک هاوبەش وەرد فەوج تاکتیکی و مەفرەزەیل فریاگوزاری لە کەرت بەغداد جدیدە وەرد بنکەی پولیس موسەنەنا لە ناوچەی “زەیونە” دەسکردنە ئەرکەگە ئەرا دەسگیرکردن کەسەیلیگ داواکریاگ و ئەوانەگ مەرجەیل نیشتەجیبوبن شکنن.

 سەرچەوەگە دیاری کرد کە دەرئەنجام ئەو ئەرکە دەسگیرکردن 31 کەس بیانی بویە کە لە رەگەز نیر و ما بوین، ئەوەیش شکانن مەرجەیل نیشتەجیبوبن رەگەزنامەی پاکستانی، سوریا، کینیا، غانا، ئۆگاندا و فەلەستینی بویە.

سەرچەوەگە وتیش: لەناو ئەو کەسەیلە کە دەسگیر کریان، سێ ژن عراقی بوین و کار (لەشفرووشی و دەڵاڵی) کەن، و گشتیان دریانە دەس بنکەی پولیس موسەنا لە بەغدا.