دەیان کەس لە فەلووجە لەوەر تاسیان وە گاز کلۆر رەسنە خەسەخانە
2024-06-30 11:45:06 - سەرچاوە: شەفەق نیوز
شەفەق نیوز/ فەرمانگەی تەندروسی ئەنبار، ئمڕوو یەکشەممە، راگەیان کە خەسەخانەی فەلووجە تاسیان کەسەیل فرەیگ وەرگرد، لە ئەنجام تەقیان تانکی گاز کلۆر لەناو وبستگەی قەڵا کردن ئاو لە باشوور فەلووجە.
فەرمانگەگە لە بەیاننامەیگ رەسیە ئاژانس شەفەق نیوز وت: فریاکەفتن خەسەخانەی فەلووجە شمارەیگ وەرگرد لەوانەگ تویش تاسیان هاتنە لە ئەنجام تەقیان تانکی گاز کلۆر لە ویستگەی پاڵاوکردن ئاو تەحەدی لە باشوور فەلووجە، کە بویە هوکار تاسیان هەفتا کەس، لەناویان ئەندامەیل وەرگری شارستانی بوین.
دووپات کرد کە تیمەیل پزشکی و تەندروسی لە بەش فریاکەفتن کەفتنە ئامادەباشی ئەرا چارەسەرکردن ئەو کەسەیلە، و گشتیان لە خەسەخانە دەرچگن.
