هەواڵی کوردستان ئێستا

شەفەق نیوز/ وەگورەی ماڵپەڕ جەهانی نرخ بەنزین کە تایبەتە وە نرخ سزەمەنی و وزەی کارەبا، عراق وە هەرزانترین نرخ سزەمەنی (بەنزین) لە جەهان ئەرا مانگ حوزەیران هاتە پلەی نۆزدەهەم.

لە دوایین خشتەی ماڵپەڕەگە کە ئاژانس شەفەق نیوز دیەسەی،  دەرکەفتگە عراق لە رزبەن 19هەمین لە هەرزانترین وڵات جەهانە ئەرا بەنزین لە بڕ 170 وڵات کە لە خشتەگە هاتنە، نرخ هەر لیتریگ 0.649 دۆلارە.

 وەگورەی خشتەی سایتەگە، عراق دویای ئیران تیەێد کە پلەی یەکەم هاوردیە وە هەرزانترین نرخ بەنزین کە لە ناوی وە 29 دۆلار ئەرا هەر لیتێیگ فرووشێد، ئیجا لیبیا لە پلەی دویەم، ئمجا ڤەنزوێلا، میسر پلەی چوارەم، لەپشتی جەزائیر، کوێت، ئەنگۆلا، تورکمانستان، مالیزیا، و نەیجیریا.

کازاخستان لە پلەی 11، بەحرەین لە پلەی 12، بۆلیڤیا پلەی 13، قەتەر لە پلەی 14، ئازەربایجان پلەی 15، سعودیە لە پلەی 16، عومان پلەی 17 و رووسیا لە پلەی 18.

 لە وەختیگ هۆنگ کۆنگ و هەر لیتریگ بەنزین وە 3 هەزار و 238 دۆلار کەفێدە دویادویای خشتەگە، لە پلەی ئیجا مۆناکۆ وە 2 هەزار و 286 دۆلار ئەرا هەر لیتریگ بەنزین.

 عراق بەنزین ئاسایی لە بەنزینخانەیل لە پاڵاوگەیل خوەی فرووشێد، و بەنزین (ئۆکتان بەرز) لە دەیشتەو هاوردە کەێد.