هەواڵی کوردستان ئێستا

شەفەق نیوز/ فرووش دۆلار بانک ناوەندی عراق، ئمڕوو سێشەممە، زیاتر لە 269 ملیۆن دۆلار بویە لە زیایکردن ئاشکرای دراو.

 پەیامنێر ئاژانس شەفەق نیوز وت: ئمڕوو بانک ناوەندی لە زیایکردنەگەی بڕ 269 ملیۆن و 250 هەزار دۆلار فرووشتیە، کە وە نرخ بنەڕەتی ئاڵوگۆڕ 1310 دینار ئەرا هەر دۆلاریگ ئەرا کرێدیت دۆکیۆمێنتاری و یەکلاوەکردن ناودەوڵەتی ئەرا کارت ئەلیکترۆنی فرووشتگە، وە نرخ 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وە کاش.

وتیش: فرەی فرووش دۆلار ئەرا قایمکردن باڵانسەیل دەیشت وڵات بویە وەشیوەی هەواڵە و قەرز، کە بڕی 239 ملیۆن دۆلار بویە، کە وەڕیژەی 95% زیایکردگە وە بەراورد وە فرووشتن نەختینەیی 30 ملیۆن و 250 هەزار دۆلار.

 پەیامنێرمان وتیش: شمارەی ئەو بانکەیلە کە دۆلار کاش سەننە رەسیە 6 بانک، و ژمارەی ئەو بانکەیلە وەڵام داواکارییەیل بەرزکردن باڵانسەیل دانە لە دەیشت وڵات رەسیەسە 4 بانک، و بڕ گشتی کۆمپانیایل ئاڵوگۆڕ و دەڵاڵی بەشداربوی لە زیایکردنەگە 172 کۆمپانیا بویە.