هەواڵی کوردستان ئێستا

سه‌رۆك هه‌رێم كوردستان پيرووزبايى له‌ كارگه‌ره‌يل كرد و په‌ياميگ ئاراسته‌ ئه‌كا

سه‌رۆك هه‌رێم كوردستان پيرووزبايى له‌ كارگه‌ره‌يل كرد و په‌ياميگ ئاراسته‌ ئه‌كا
سه‌رۆك هه‌رێم كوردستان پيرووزبايى له‌ كارگه‌ره‌يل كرد و په‌ياميگ ئاراسته‌ ئه‌كا

2020-05-01 00:00:00 - سەرچاوە: شـه‌فـه‌ق نيـوز

شه‌فه‌ق نيوز/ سه‌رۆك هه‌رێم كوردستان له‌ رووژ جه‌هانى كارگه‌ره‌يل، پيرووزبايى له‌ كارگه‌ره‌يل كوردستان و سه‌نديكا و ريكخرياگه‌يليان و كارگه‌ره‌يل عراق و جه‌هان كرد.

نێچيروان بارزانى له‌ به‌ياننامه‌يگ وت: كارگه‌ره‌يل كوردستان ده‌سميه‌تده‌ر كاران ك هويچ وه‌ختيگ مه‌ينه‌تى نازانن و رۆڵ بنياتنه‌ر خوه‌يان ده‌رئه‌خه‌ن له‌ ئاوه‌دانكردنه‌وه‌ى وڵات و يه‌يش هه‌ميشه‌ له‌وه‌رچه‌وه‌و جى ريز و حورمه‌ته‌.

بارزانى باس له‌وه‌يش كرد له‌ى ياد پيرووزه‌، دوباره‌ جه‌خت له‌ پاڵپشتى ته‌واويگ مافه‌يل و داواكاريه‌يل ياسايى و سه‌نديكايى ره‌واى و ژيان سايشه‌ى و بارودوخ كار گونجياى ئه‌را كارگه‌ره‌يل و جيوه‌جيكردن خوه‌شگوزه‌رى ئه‌كه‌يم ئه‌را ئى چين زه‌حمه‌تكيش و گشت ملله‌ت كوردستان.

جى باسه‌، سه‌رۆك هه‌رێم كوردستان هه‌ميش وت: ئوميده‌واريم وڵاته‌گه‌مان و جه‌هان وه‌ نزيكترين وه‌ختيگ قورتار بوون له‌ى قه‌يرانه‌ ك له‌ئه‌نجام په‌تاى كۆرۆنا كه‌فته‌و ك جى داخه‌ رۆڵ خراو داشت له‌بان بارودوخ بژيوى ئه‌را گشتلايگ وه‌تايبه‌ت كارگه‌ره‌يل و زه‌حمه‌تكيشه‌يل، وه‌و ئوميده‌ ئى ياده‌ له‌ ساڵ ئاينده‌ له‌ساى بارودوخيگ خاستر ئه‌نجام بيه‌يم.