هەواڵی کوردستان ئێستا

شەفەق نیوز/ نەخشەی کەشناسی نشان هەڵکردن وا و خوەڵوتووز دەن، ئمڕوو جمعە، کە لە ناوچەیل خوەرئاوا و ناوڕاس عراق ئاست نووڕستن کەمەو کەێد، وەگەرد بەرزەوبوین پلەی گەرمی، و سوو شەممە، گەرمی داوەزێد.

وەگورەی مەزەنی کەشوهەوا، شەوەکی و نیمەڕو ئمڕوو جمعە، وای باکوور خوەرئاوایی هەڵگورد و ئێوارە زیای بوود و تونیەگەی رەسیدە 70 کم/س، لە خوەرئاوا وەرەو ناوچەی ناوڕاس تیەێد.

مەزەنە کریەێد ڕاست نووڕین ئاسووری لەوەر ئەو خوەڵوتووزە نەمینێد، و گومەزیبگ گەرمی لە کەشوهەوای وڵاتەگە دروس کەێد، تا دویای نیمەڕو پلەی گەرمی داوەزێد.

 

ئەو پارچەی تەپوتووزە کەمکەم لە خوەرئاوا و باکوور وڵاتەگە کەفێدە جویلە تا ئیوارە گشت شارەیل وڵاتەگە پووشێد.

وەگورەی دەسەی کەشناسی، پلەی گەرمی لە بەسرە و میسان رەسێدە 50 پلەی سەدی، نەجەف 49 پلە، بەغدا و دیالە و کەربەلا و بابل و دیوانیە و زیقار و موسەنا رەسێدە 48 پلەی سەدی.