هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو جمعە، خەوەردا کە ئەفسەریگ وە پلەی عەمید لە پولیس کەفتە وەر چەقوو دویای وەردەوەردەیگ وەرد سێ کەس لە بەغدای پایتەخت، کە هەمیش مردن پیاییگ لەناو تەمەن شەس ساڵان توومار کرد.

سەرچەوەگە ئەرا ئاژانس شەفەق نیوز وت: سێ کەس کەفتنە دەمەقاڵ وەرد ئەفسەریگ و پلەی عەمید مەوقەی ئەرکەگەی و قسەی بەد وەپی کردن، ئیجا وە چەقوو زەخمداری کردن، ئەوەیش لە ناوچەی زەیوونەی بەغداد پایتەخت.

وتیش: ئەفسەرەگە ئەرا خەسەخانە بریا، و پەلاماردەرەیل دەسگیر کریان.

سەرچەوەگە وتیش: زانیاری لە مردن کەسیگ لەناو خەسەخانەی حەکیم لە ناوچەی غەزالیە رەسی، کە پیاییگ لەداڵگبوی ساڵ 1966 بویە، و دوو ژن دیرێد.

دیاری کرد کە ژنە یەکەمەوە داوای توومارکردن سکاڵا وەبان ژن دویەم و مناڵەیلی کردر چوینکە لەناو ماڵ ئەو ژنڵ مردیە.