هەواڵی کوردستان ئێستا

شەفەق نیوز/ فرووش دراو تەختە لەلایەن بانک ناوەندی عراق ئەرا دۆلار ئەمریکی لە ماوەی هەفتەی گوزەشتە ریژەی ملیار دۆلار رەد کرد.

 پەیامنێر ئاژانس شەفەق نیوز وت: بانک ناوەندی لە ماوەی هەفتەی گوزەشتە، کە  پەنج رووژ زیایکردن ئاشکرا داشت، بڕ گشتی یەک ملیار و 374 ملیۆن و 986 هەزار و 732 دۆلار، وە تیکرای ڕووژانە 274 ملیۆن و 997 هەزار و 346 دۆلار فرووشت.

ئی شمارەیلە بەراورد وە هەفتەی گوزەشتە زیایبوینیگ وەرچەو نیشان دەن، کە فرووش یەک ملیار و 105 ملیۆن و 258 هەزار و 154 دۆلار بویە.

 رووظ یەکشەممە بەرزترین فرووش دۆلار توومارکریاس کە 280 ملیۆن و 872 هەزار و 80 دۆلار بویە، کەمترین فرووش رووژ سێشەممە 269 ملیۆن و 250 دۆلار بویە.

 پەیامنێرمان وتیش: 

 فرووش هەواڵەی دەرەکی لە ماوەی هەفتەی گوزەشتە یەک ملیار و 266 ملیۆن و 156 هەزار و 432 دۆلار بویە، کە رەسێدە 91%ی بڕ فرووش، وە بەراورد وە فرووش کاش کە 117 ملیۆن و 830 هەزار و 300 دۆلار بویە .