نویسەرەیل عراق شەرمەزار پەلامار لەبان یانە کۆمەڵایەتیەیل کەن: بایەسە ئەو هیزە داوای وەخشین بکەێد
یەکێتییەگە لە راگەیەنراویگ کە رەسیە ئاژانس شەفەق نیوز وت: “یەکێتی گشتیی نویسەرەیل لە عراق، شەو چوارشەممە، 3ی تەمموز 2024، کەفتە وەر پێشێلکارییگ ئاشکرا لەلایەن هیزیگ ئەمنی هاوبەش کە هەڵکوتانە بان یانە کۆمەڵایەتییەگەی، وینەگردن نویسەرەیل، دەسگیرکردنی نایاسایی یەکیگ لە نویسەرەیل، و دەسوەسەرکردن کەسایەتییە کولتوورییەیل ئەرا زیاتر لە یەک ساعەت وەگەرد قسەی بەد وەو نویسەرەیلە، و وەبی ئاگادارکردنیگ وەرجەوەختە، یا پەیوەندیکردن، کە زیانیگ دەروینی فرەیگ رەسیە
نویسەرەیل میللەت، ئی کارە شەرمەزار کەیمن، کە دەرکردن بەهرەدارەیل وەرەو دەیشت وڵات.
یەکێتی نویسەرەیل داوا کرد، لە حکومەت، بایەسە ئەوە هیز دەستدرویژکارە داوای وەخشین لە نویسەرەیل بکەێد لەبان ئەوە کارە، وە رینمایی وەزارەت ناوخۆ بکەێد کە پەلامار یانەی کۆمەڵایەتی نویسەرەیل و ئەو یانەیل سەر وە یەکێتی نویسەرەیل نەکەێد کە وە یاسا دانریانە.
وتیش "یانەى نویسەرەیل شوینیگ دێرینە، لە ساڵ 1959ەوە دامەزریاس و هەسەی رووژانە نویسەرە دیارەیل جویر جەواهیرى، بەیاتی، مەردان و حەسەب شێخ جەعفەر لەناوی بوینە
لە کۆتایی وتیش: نویسەرەیل میللەت، پشت وە دادپەروەری ئیوە بەسن و مقیەتیکردن رێز و ئازادییەیل، خوەیان ئامادە کەن ئەرا خوەینشاندان و دانیشتن و وسانن چالاکییەگانیان و رەسانن پەیامیگ ئەرا کۆمەڵگەی ناودەوڵەتی لەبان ئەو پێشێلکاریەیلە کە کەفتنە روییان و ئیمەیش ئومید خوازیمن ئەوە روی نیەێد”.
