هەواڵی کوردستان ئێستا

شەفەق نیوز/ سەرچەوەیگ ئەمنی لە بەغداد، ئمڕوو یەکشەممە، خەوەردا لە زەخمداری سێ کەس لە ئەنجام وەردەوەردەیگ کە رەسیە وەکارهاوردن تفەنگ و چەقوو، و دەسگیرکردن دوو کەس لەلیان، و لە باشوور پایتەخت بومبیگ دەسی لەناو جادە هەڵگریا.

سەرچەوەگە ئەرا ئاژانس شەفەق نیوز وت: بنکەی پولیس سەدر یوسفی ئاگادار لە زەخمداری کەسیگ وە گولە، و دوو کەس وە کوتەک ئەرای هات، کە شەوەکی ئمڕوو مرافەیگ کەفتیەسە ناوەین دوو برا.

دیاری کرد کە تیمیگ دروس کریا و رەسیە خەسەخانە ئەرا توومارکردن قسەی زەخمدارەیل، و دویای گردەوکردن زانیاری لەبان تاوانبارەیل، رەسینە ناوچەیان و دەسگیر کریان.

  

لەلاییگ ترەک، سەرچەوەگە وت: هیزیگ لە دژە تەقەمەنی توەنستن بومبیگ دەسی لە کنار ریەگە لە گەڕەک ئیعلام لە ناوچەی بەیاع هەڵگرێد، وەبی زەخمداری کەسیگ.