بەرزەوبوین نرخ نەفت
شه‌فه‌ق نیوز/ لە یەکەم روژ مامەڵەی مانگ شوبات، دویای مانگیگ لە بانو خوار کردن تونیگ لە بازاڕەیل جیهان، لەسای کەمەوبوین داوا وەهۆی پەتای کۆڕۆنا، و پڕەوبوین عەمارەیل جیهانی، ئمڕوو جومعە، نرخ نەفت وە شیوەیگ دیار بەرزەو بوی.
لە ساعەت ٠٨:٤٢ وە وەخت مۆسکۆ، گریەبەسیایل دویاخریاگ نەفت خام ئەمریکی سووک، ئەرا مانگ حوزەیران بەرزەو بوی وە رێژەی ٣،٠٣% ئەرا ١٩،٤١ دۆلار هەر بەرمیلیگ.
لەوەختیگ گریەبەسیایل دویاخریاگ خام پەیمانەی جیهانی تیکەڵ ( پرنت) وە رێژەی ٢٧،٠٥ دۆلار ئەرا بەرمیلیگ ره‌سی وەگورەی سایت (بلۆمبرگ).
نرخەیل نەفت لە نیسان وەرین وه تایبەت خام ئەمریکی سووک، داوەزانن مێژوویگ تۆمار کرد، وەلی دویای ئەوە وەکاڵی خاسەو بوی و لە دویاترین روژ پرنت هاتە بەرزی، وەڕێژەی ١٢% ، و خام ئەمریکی وەڕێژەی ٢٥% بەرزەو بوی.
لەبان یەیش، نرخەگان پشتگیری بڕ ئوپیک لە کەمەو کردن بەرهەم وەرگردن، ک ئەو بڕە دەوڵەتە گشتی بەرهەمەیلیان داوەزنن ئەرا ٩.٧ مەلیۆن بەرمیل لە روژیگ.
وەگەرد یەیش پشتگیری لە نرخەیل کریا، وە راگەیانن خاوه‌ن به‌رهه‌مێل تر ئه‌را لە کەمەو کردن بەرهەمیان. نەرویجیش باس لە کەمەوکردن بەرهەم کرد لە حوزەیران تا کانون یەکەم ٢٠٢٠ ، یەیش یەکەمین جارە لەماوەی ١٨ ساڵ.
