هەواڵی کوردستان ئێستا

شەفەق نیوز/ وزارەت پلاندانان ئمڕوو پەنجشەممە، لە دابینکردن پوشانن دارایی ئەرا بیمەی قەیران کۆڕۆنا خه‌وه‌ر دا و دووپات لە خەرج کردنی لە هەفتەی هاتگ کرد.
بەیاننامەیگ له‌ وزارەتەگە رەسیە شەفەق نیوز وت: ک نوری سەباح دلێمی وەزیر پلاندانان، ئمڕوو پەنجشەممە، سەرپەرشتی کۆبونەوەی هاوبەشێگ كرد وەل کۆمیتەی کار وکارە کۆمەڵایه‌تیەگان وکوچ وکوچبەرەیل له‌ پەرلەمان ، لە ناوی باس لە ریەیل پشتگردن وە بەشەیل زیان خواردگ لە پەتای کۆڕۆنا کریا.
وە گورەی بەیاننامەگە دلێمی لە چەوپێکەفتنەگە ئامار کارو رەنجەیل وزارەتەگە دژ وە قەیرانەگە وەماوەیل نزیک وناوڕاس خسته‌ روو، و دووپاتیێش وە خەرج کردن بیمەی ئاوارتەگە لەماوەی هەفتەی هاتگ کرد، دویای دابین کردن پویلیەگەی.
وتیش؛ رەنجەیل ئەنجام دریاگ لە پڕۆژەی سندوق گەشەپێدان کۆمەڵایەتی ک پشتگیر پلانەیل ستراتیجی وزارەتەگەیە ئەرا کەمەو کردن هەژاری، و وزارەتەگەی وە پشتگیری سندوقەگە دەس وە جیوەجی كردن ٧٠ پڕۆژەی خزمەتگوزاری لە بەشیگ پارێزگایل کردیە، ، و پڕۆژەی نیشتمانی ئەرا کارکردن گەنجەیل، ک لە سێ پارێزگا دەس وەپی کرد، لە گشت پارێزگایه‌ل جیوەجی بود.