هیزگردن ئاگر گەورەیگ لەناو بازاڕ شۆرجە ناوڕاس بەغداد
2024-07-16 14:15:07 - سەرچاوە: شەفەق نیوز
شەفەق نیوز/ سەرچەوەیگ لە وەڕیەوبەرایەتی وەرگری شارستانی، ئمڕوو سێشەممە، خەوەردا کە ئاگر گەورەیگ لەناو بازاڕ شۆرجە ناوڕاس بەغداد هیز گرد.
سەرچەوەگە ئەرا ئاژانس شەفەق نیوز وت: تیمەیل وەرگری شارستانی کەفتنە ئامادە باشی ئەرا کپەوکردن ئاگریگ لەناو ئەماریگ لە پشت بینای رەسافی لە ناوچەی شۆرجە ناوڕاس بەغداد هیز گرد.
شەوەکی ئمڕوو، ئاگر لەناو ئەمارەیلیگ لە ناوچەی بازرگانی بوب شام باکوور بەغدای پایتەخت هیز گرد.
وەزارەت ناوخۆی عراق، لە مانگ حوزەیران گوزەشتە راگەیان کە زیاتر لە 5500 ئاگر لە ماوەی یەکەمین پەنج مانگ ئی ساڵە لە گشت عراق هیز گردیە، وتیش: وە چەو ساڵ گوزەشتە داوەزیان لە شمارەی ئاگرەیل توومار کردیە.
